ÝEFA Reseı men Polshanyń fýtbol birlestikterine qarsy tártiptik ister ashty

Bul týraly ÝEFA-nyń baspasóz qyzmetinen málim etti.

ÝEFA Reseı quramasymen ótken «A» tobyndaǵy ekinshi týr matchtary barysynda pırotehnıkalyq zattardy qoldanǵan jankúıerlerdiń laıyqsyz tártipterine baılanysty Polsha Fýtbol qaýymdastyǵyna qatysty tártiptik is ashty.

Eýropalyq fýtbol odaǵy sondaı-aq Reseı Fýtbol odaǵyna qatysty tártiptik isti tergeýdi bastady. Polıaktarmen bolǵan matchta reseılik jankúıerler feıerverkterdi tutandyryp alańǵa laqtyrdy, sondaı-aq tyıym salynǵan bannerlerdi ildi. Sonymen qatar, kezdesý barysynda Reseı quramasy jankúıerleriniń biri alańǵa júgirip shyqty.

Aıta ketý kerek, atalmysh jaǵdaılarǵa baılanysty sheshimder Vrotslavta chehtarmen ótken kezdesý barysynda reseılik fanattardyń laıyqsyz tártipteri úshin Reseı fýtbol odaǵyna qatysty buǵan deıin shyǵarylǵan sanktsııalarǵa qatysy joq.

Eske salaıyq,  buǵan deıin ÝEFA-nyń Baqylaý-tártiptik ınstantsııasy Reseı Fýtbol odaǵynan Eýropanyń kelesi chempıonatyna irikteý kezeńderi barysynda alty upaıdy alyp tastaý sheshimin shyǵardy. Biraq jazalaý shartty sıpatqa ıe.