ÝEFA prezıdenttigine úmitker Cheferın sybaılas jemqorlyqpen kúresýge nıetti ekenin málimdedi
ASTANA. QazAqparat - Eýropalyq fýtbol qaýymdastyqtarynyń odaǵy (ÝEFA) prezıdenttigine úmitker slovenııalyq Aleksander Cheferın uıym basshylyǵyna taǵaıyndalǵan jaǵdaıda sybaılas jemqorlyqpen, dopıng jáne kelisilgen matchtarmen belsendi túrde kúres júrgizetindigin málimdedi, dep habarlady Reuters agenttigi.
«Men sybaılas jemqorlyqpen, dopıng jáne kelisken matchtarmen kúres júrgizý, barlyq qatysýshylardy qaýipsizdikpen qamtamasyz etý arqyly sporttyń bul túrin tıimdi qorǵaý úshin jumys isteıtin bolamyn», - dedi Cheferın.
ÝEFA prezıdenttigine saılaý 14 qyrkúıek kúni Afına qalasynda ótedi. Slovenııadaǵy Fýtbol odaǵynyń prezıdenti Cheferınnen bólek taǵy eki kandıdat - Nıderlandy Koroldik fýtbol odaǵyn basqaratyn gollandııalyq Mıhael van Prag jáne Ispanııadaǵy Koroldik fýtbol federatsııasynyń basshysy Anhel Marııa Vılıar saılaýǵa túsedi.
