ÝEFA prezıdentin ýkraınadaǵy qonaq úılerdiń baǵasy qatty ashýlandyrdy
ASTANA. 15 sáýir. QazAqparat - ÝEFA (UEFA) prezıdenti Mıshel Platını Eýro 2012 chempıonatynyń qarsańynda Ýkraınadaǵy qonaq úılerdiń baǵasy jaǵasyn ustatqanyn jasyrmaı aıtqan.
Bul týraly ol Varshavada ótken baspasóz-máslıhatynda málim etken, dep habarlaıdy Lenta.rý.
ÝEFA basshysy Ýkraındaǵy qonaq úılerdiń qymbattyǵynan osy elde ótetin eýropa chempıonatyna irikteý oıyndaryna kórermenniń az jınalatyndyǵyn aıtqan. Máselen, Donetskide ótken Frantsııa men Anglııa quramalarynyń arasyndaǵy oıynǵa at tóbelindeı ǵana adam jınalypty. «Adamdar baǵysy aqylǵa syımaıtyn qonaq úıleri bar elge attap basqysy kelmeıdi. Tápti jýrnalısterdiń ózi bizge habarlasyp, Ýkraınadan «qalta kóteretin» baspana taýyp berýdi ótinip jatyr», - deıdi ol.
«Ýkraına jańalyqtarynyń» habarlaýynsha, jýyrda Lvovqa kelip ketken Platını qalanyń qonaq úılerin aralap, ondaǵy baǵany arzandatýǵa quqyq qorǵaý organdaryn tartý týraly másele kótergen kórinedi. «Úırenshikti 40 eýrodan birden 100 eýroǵa, tipti 500 eýroǵa sekirip ketýge bolmaıdy ǵoı. Birde bir órkenıetti elde bulaı jasalmaıdy», - depti Platını.
Esterińizge sala keteıik, osy jazda Ýkraına men Polsha fýtboldan eýropa chempıonatynyń fınaldyq kezdesýlerin qabyldaıdy. Osyny paıdalanǵan ýkraınadaǵy qonaqúılerdiń pysyqaı qojaıyndary baǵany 2-3 esege shryqtatyp jibergen bolatyn. Sáýirdiń basynda el prezıdenti Vıktor ıAnýkovıch qaramaǵyndaǵylarǵa júgensiz ketken qonaqúı ıelerin tártipke salyp, baǵany quryqtaýǵa tapsyrma bergen bolatyn
