UEFA «Ordabasy» klýbyna baılanysty sheshim qabyldady

NUR-SULTAN. QazAqparat - Qazaqstandyq «Ordabasy» komandasy UEFA aıasyndaǵy barlyq týrnırden shettetilmeıtin boldy. Atalǵan uıymnyń klýbtar boıynsha qarjylyq baqylaý arbıtrajdyq palatasy osyndaı uıǵarymǵa keldi, dep habarlaıdy QazAqparat tilshisi UEFA saıtyna silteme jasap.

Esterińizge sala ketelik, atalǵan uıym «Ordabasy» klýby tarapynan tólemder boıynsha kezdesken problemaǵa baılanysty qatań talap qoıǵan bolatyn . Onda 2019 jyldyń 30 qyrkúıegine deıingi barlyq bereshektermen esepteskeni jóninde 2020 jyldyń 31 qańtaryna deıin tolyq dáleldeýi tıis ekeni kórsetilgen. Shymkenttik klýb 2019 jyldyń jeltoqsan aıynda ózderine qoıylǵan barlyq talapty oryndady. Nátıjesinde endi olar 2020/21 ı 2021/22 jyldardaǵy eýrokýbok oıyndaryna qatysýǵa múmkindik aldy.

Ótken jyly «Ordabasy» Premer-lıga komandalary arasyndaǵy Qazaqstan birinshiliginde úshinshi oryndy enshilegen edi. Bıyl Eýropa lıgasynda baq synaıdy. Sondaı-aq, bıyl Qazaqstan atynan elordalyq «Astana» Chempıondar lıgasynda, Almatynyń «Qaıraty» men Qyzylordanyń «Qaısary» Eýropa lıgasynda el namysyn qorǵaıdy.