ÝEFA kongresinde Ulttar Lıgasyn qurý týraly tarıhı sheshim qabyldandy
ASTANA. QazAqparat - ÝEFA-ǵa múshe barlyq 54 qaýymdastyq 2018 jyldan bastap Ulttar Lıgasy týrnırin ótkizip turý jónindegi sheshimdi biraýyzdan qoldady, dep habarlaıdy "QazAqparat" tilshisi Astanada ótip jatqan ÝEFA-nyń XXXVIII kongresinen.
Atalmysh kongreste "Erler qurama komandalary arasynda 2018-2022 jyldary A kategorııaly týrnırlerdi ótkizý týraly" qarar qabyldandy. Onda atap kórsetilgenindeı, bul týrnır ulttyq quramalardyń deńgeıi men mártebesin arttyratyn bolady jáne joldastyq kezdesýlerdi túbegeıli almastyrmaq.
"Jańa týrnırdi ótkizýge qoldaý kórsetken ÝEFA-ǵa múshe qaýymdastyqtardyń bul sheshimin qabyldaımyz jáne úlken syılastyqpen qaraımyz", - deıdi ÝEFA komıtetiniń basshysy Volfgang Nırsbah. "Bul jańashyldyqqa jankúıerler de oń kózqaras tanytady dep senemin".
ÝEFA-nyń Ulttar Lıgasy týrnıri Eýropa chempıonatymen tyǵyz baılanysta bolady. ıAǵnı týrnır Eýropa birinshiligine ótýdiń qosymsha múmkindigi bolmaq.
Týrnırdiń naqty formaty áli anyqtalǵan joq jáne ulttyq qaýymdastyqtar arasynda ótetin talqylaýlar barysynda jasaqtalady.
