ÝEFA Konferentsııa lıgasy: «Astana» - «Chelsı» oıyny Almatyda ótedi

ALMATY. KAZINFORM - ÝEFA Konferentsııa lıgasy aıasynda elordalyq «Astana» 12 jeltoqsan kúni óz alańynda «Chelsı» komandasyn qabyldaıdy. Aǵylshyn komandasynyń habarlaýynsha, match Almatynyń Ortalyq stadıonynda ótedi.

«Chelsı» óziniń resmı saıtynda «Astanaǵa» qarsy syrt alańda ótetin oıyn Almatyda bolatynyn málimdedi.

- 30 myń kórermen syıatyn tańqalarlyq «Astana arenada» rekonstrýktsııa júrgizilýine baılanysty «Astana» óz alańyndaǵy oıyndardy ózge jerde ótkizip júr. Olar Konferentsııa lıgasynyń irikteý kezeńindegi «Mılsamı», «Korvınýll» jáne «Brannǵa» qarsy óz alańyndaǵy matchtardy Almatynyń Ortalyq stadıonynda ótkizdi jáne «Astana» «Chelsıdi» 12 jeltoqsan kúni osy stadıonda qabyldaıdy, - dep habarlady aǵylshyn komandasy.

Eske salaıyq, jerebe nátıjesinde «Astanaǵa» «Chelsı» qarsylas atanǵan bolatyn.

Sondaı-aq «Astananyń» Konferentsııa lıgasynyń toptyq kezeńindegi oıyndary qaı kúnderi ótetinin jazǵanbyz.