UEFA Konferentsııa lıgasynda qazaqstandyq klýbtar qaı komandamen oınaýy múmkin
NUR-CULTAN. QazAqparat - Qazaqstandyq klýbtardyń fýtboldan UEFA Konferentsııa lıgasy úshinshi irikteý satysyndaǵy yqtımal qarsylastary anyqtaldy, dep habarlaıdy QazAqparat tilshisi.
Aıta ketsek, qazaqstandyq «Tobyl» (Qostanaı), «Astana» (Nur-Sultan),
«Qaırat» (Almaty) jáne «Qyzyljar» (Petropavl) komanalary bıyl eýrokýbok oıyndaryn fýtboldan UEFA Konferentsııa lıgasy ekinshi irikteý satysynan bastaıdy.
UEFA Chempıondar lıgasy birinshi irikteý satysynda Vengrııanyń «Ferentsvarosh» komandasyna jol bergen (0:0, 1:5) «Tobyl» endi atalǵan týrnırde Gıbraltardyń «Lınkoln Red Imps» komandasymen kezdesedi.
Jeńgen jaǵdaıda úshinshi irikteý satysynda «Tırana» (Albanııa) jáne «Zrınskı» (Bosnııa) jubynyń jeńimpazymen kezdesedi.
Ekinshi irikteý satysynda elordalyq «Astana» Polshanyń «Rakývyn» jeńse odan keıin «Spartak Trnava» (Slovakııa) jáne «Nıýtaýn» (Ýels) jubynyń jeńimpazymen sheberlik baıqasady.
Al almatylyq «Qaırat» Vengrııanyń «Kıshvarda» komandasyn aınalyp ótse, sodan keıin «Molde» jáee «Elfsborg», petropaldyq «Qyzyljar» Horvatıııanyń «Osıeginen» basym tússe, jarystyń úshinshi satysynda «Botev» (Bolgarııa) jáne APOEL (Kıpr) jubynyń jeńimpazymen oınaıdy.
Atalǵan týrnırdiń ekinshi irikteý satysy 21 jáne 28 shilde kúnderine belgilense, úshinshi irikteý satysy 4 jáne 11 tamyz kúnderi oınalady.
Foto: www.sports.kz
