UEFA Konferentsııa lıgasy: «Tobyl» «Jılınaǵa» jol berdi
NUR-SULTAN. QazAqparat - UEFA Konferentsııa lıgasy úshinshi irikteý satysynda qostanaılyq «Tobyl» syrt alańda Slovakııanyń «Jılına» komandasynan jol berdi, dep habarlaıdy QazAqparat tilshisi.
Eki komanda arasyndaǵy alǵashqy kezdesýde qostanaılyq klýb elordada 0:1 esebimen jol bergen edi.
Al búgingi kezdesýde «Jılına» basymdyǵyn arttyra tústi. Oıyn barysynda olardyń qatarynan Davıd Dıýrısh 14, Matýsh Rýsnak 41, Vagan Bıchahchıan 64, Tıbor Slebodnık 81-mınýttarda mergendik tanytsa, Vagan Bıchahchıan 91-mınýtta qorytyndy esepti belgiledi.
Eske salsaq, búgin Eýropa lıgasy úshinshi irikteý satysynda Almatynyń «Qaıraty» syrt alańda Armenııanyń «Alashkertine» jol berip, endi Konferentsııa lıgasy pleı-off satysynda oıyn kórsetetin boldy.
Al Konferentsııa lıgasy úshinshi irikteý satysynda «Astana» óz alańynda Fınlıandııanyń KýPS klýbyna jol berse, Qaraǵandynyń «Shahteri» Ýkraınanyń «Kolosyn» qapy qaldyryp ketti.
