UEFA Konferentsııa lıgasy: «Shahter» rýmynııalyq klýbqa ese jiberdi
NUR-SULTAN. QazAqparat - UEFA Konferentsııa lıgasy ekinshi irikteý satysyndaǵy alǵashqy kezdesýde Qaraǵandynyń «Shahteri» Rýmynııanyń FKSB klýbynan jeńilip qaldy, dep habarlaıdy QazAqparat tilshisi.
Atalǵan klýb 1947 jyly qurylǵan. Komanda1961-2017 jyldar aralyǵynda «Stıaýa» ataýymen jankúıerlerge jaqsy tanys.
Óz elinde 26 márte chempıon atanyp, rekordtyq kórsetkishke qol jetkizdi. Bıyl olar kúmis júlde alyp, eýrokýbokta baq synaýǵa joldama ıelendi.
Alań ıeleri oıyn basynan tizgindi óz qolyna alýǵa tyrysqan edi. Birinshi kezeńde negizinen rýmyndyq fýtbolshylar qazaqstandyq komanda qaqpasy mańynda jıi boı kórsetti.
Keıbir sátte qostanaılyq qorǵaýshylar shabýylǵa toıtarys berse, endigi bir mezette alań ıeleri múmkindikti múlt jiberdi.
Kezdesýde «Shahter» qarsylasyna 0:1 esebimen ese jiberdi.
Endi qarymta oıyn 29 shildede Qaraǵandyda ótedi.
Dál qazir Qostanaıdyń «Tobyly» syrt alańda Horvatııanyń «Haıdýk» klýbymen oınap jatyr. Ázirge qarsylasynan 0:2 esebimen jeńilýde.
Eske salsaq, budan buryn elordada «Astana» grekııalyq «Arıs» komandasynan 2:0 esebimen basym tústi.
Sondaı-aq, 21 shildede UEFA Chempıondar lıgasy ekinshi irikteý satysynda almatylyq «Qaırat» Serbııanyń «Tsrvena Zvezda» klýbyn 2:1 esebimen jeńgen edi.
