UEFA Konferentsııa lıgasy: «Shahter» ızraıldik klýbqa jol berdi
NUR-SULTAN. QazAqparat - Qazaqstandyq «Shahter» UEFA Konferentsııa lıgasy toptyq kezeńine joldama aldy, dep habarlaıdy QazAqparat tilshisi.
«Shahter» búgin syrt alańda Izraıldiń «Makkabı Tel-Avıv» klýbymen kezdesti.
Eki komanda arasyndaǵy alǵashqy kezdesýde qaraǵandylyq klýb qarsylasynan 1:2 esebimen jeńilip qaldy.
Búgingi kezdesýde ızraıldik klýb sapynan Idan Nachmıas 18, Dan Glazer 40-mınýtta mergendik tanytty. Budan keıin tablodaǵy esepke ózgeris engen joq.
«Shahter» qarsylasynan 0:2 esebimen jeńildi. Toptyq kezeńge ızraıldik klýb joldama aldy.
Eske salsaq, Konferentsııa kýbogynda budan buryn «Shahter» Rýmynııanyń FKSB ( burynǵy ataýy «Stıaýa») (0:1, 2:1, penaltıden 5:3) jáne Ýkraınanyń «Kolosyn» (0:0,0:0, penaltıden 3:1) orta jolda qaldyryp ketti.
Aıta keteıik, búgin Almatynyń «Qaıraty» UEFA Konferentsııa lıgasy toptyq kezeńine joldama aldy.
Sondaı-aq, UEFA Konferentsııa lıgasynda elordalyq «Astana» jáne qostanaılyq «Tobyl» komandalary synǵa túsken edi. Olar úshinshi irikteý satysynan asa alǵan joq.
