UEFA Konferentsııa lıgasy: «Shahter» ızraıldik klýbqa ese jiberdi
NUR-SULTAN. QazAqparat - Búgin UEFA Konferentsııa lıgasy pleı-off satysynda qazaqstandyq «Shahter» alǵashqy oıynyn ótkizdi, dep habarlaıdy QazAqparat tilshisi.
«Shahter» komandasy elordadaǵy «Astana-arena» stadıonynda Izraıldiń «Makkabı Tel-Avıv» klýbymen kezdesti.
Oıynnyń birinshi kezeńinde eki komanda bir-biriniń qaqpasyna shabýyl jasady. Degenmen tablodaǵy esepke ózgeris engen joq.
Ekinshi kezeńde ızraıldik klýb alǵa qaraı umtyldy. Oǵan qaarǵandylyq fýtbolshylar laıyqty qarsylyq kórsetti. Esesine oıynnyń 73-mınýtynda «Shahter» oıynshysy Idrıs Ýmaev esep ashqan edi. Odan keıin 73, 77-mınýttarda ızraıldik Avram Rıkan
men Eden Shamır mergendik tanytyp, osylaısha «Makkabı Tel-Avıv» alǵa shyqty.
Eske salsaq, Konferentsııa kýbogynda budan buryn «Shahter» Rýmynııanyń FKSB ( burynǵy ataýy «Stıaýa») (0:1, 2:1, penaltıden 5:3) jáne Ýkraınanyń «Kolosyn» (0:0,0:0, penaltıden 3:1) orta jolda qaldyryp ketti.
Endi eki komanda Izraılde 26 tamyzda taǵy bir oıyn ótkizedi.
Sondaı-aq, búgin Almatynyń «Qaıraty» syrt alańda Lıýksembýrgtiń «Fola» komandasymen kezdesedi . Oıyn elorda ýaqytymen 23.30-da bastalady.
