UEFA Konferentsııa lıgasy: «Qaırattyń» toptyq kezeńdegi qarsylastary anyqtaldy
NUR-SULTAN. QazAqparat - Almatylyq «Qaırat» komandasynyń UEFA Konferentsııa lıgasy toptyq kezeńindegi qarsylastary anyqtaldy, dep habarlaıdy QazAqparat tilshisi.
«Qaırat» N tobynda synǵa túsedi. Qarsylastary - «Bazel» (Shveıtsarııa), «Karabah» (Ázerbaıjan), «Omonııa» (Kıpr).
Jarystyń atalǵan satysynda barlyǵy 32 komanda synǵa túsedi. Olar tórt-tórtten segiz topqa bólingen.
Aıta keteıik, «Qaırat» aldymen Chempıondar lıgasy birinshi irikteý satysynda Izraıldiń «Makkabı Haıfa» klýbynan (1:1, 2:0) basym tústi. Odan keıin Serbııanyń «Tsrvena Zvezda» klýbyna (2:1, 0:5) jol berip qoıdy.
Eýropa lıgasy úshinshi irikteý satysynda «Qaırat» Armenııanyń «Alashkertine» (0:0, 2:3) ese jiberdi.
Al Konferentsııa lıgasy pleı-off satysynda Lıýksembergtiń «Folasyn» (3;1, 4:1) orta jolda qaldyrdy.
