UEFA Konferentsııa lıgasy: «Qaırat» toptyq kezeńge joldama aldy
NUR-SULTAN. QazAqparat - Qazaqstandyq «Qaırat» UEFA Konferentsııa lıgasy toptyq kezeńine joldama aldy, dep habarlaıdy QazAqparat tilshisi.
Búgin «Qaırat» Lıýksembýrgtiń «Fola» komandasymen qarymta oıyn ótkizdi. Eki komanda arasyndaǵy alǵashqy kezdesýde almatylyq klýb syrt alańda qarsylasynan 4:1 esebimen basym túsken bolatyn.
Sondyqtan lıýksembýrgtik klýbtyń búgingi kezdesýde eki oıyn boıynsha tarazy basyn teńestirýi qajet edi.
Oıyndy almatylyq klýb belsendi bastady. Nátıjesinde 12-mınýtta «Qaırat» shabýylshysy Artýr Shýshenachev mergendik tanytyp, komandasyn alǵa shyǵardy. Al 28-mınýtta Vagner Lav esepti ulǵaıta tústi. Oıynnyń 36-mınýtta Artýr Shýshenachev taǵy bir márte qanjyǵasyn maılady.
Budan keıin 43-mınýtta «Fola» sapynan Mırza Mýstafıch esep aıyrmasyn qysqartty.
Búgingi kezdesýde «Qaırat» qarsylasynan 3:1 esebimen basym tústi. Osylaısha UEFA Konferentsııa lıgasy toptyq kezeńine joldama aldy
Eske salsaq, «Qaırat» aldymen Chempıondar lıgasy birinshi irikteý satysynda Izraıldiń «Makkabı Haıfa» klýbynan (1:1, 2:0) basym tústi. Odan keıin Serbııanyń «Tsrvena Zvezda» klýbyna (2:1, 0:5) jol berip qoıdy.
Eýropa lıgasy úshinshi irikteý satysynda «Qaırat» Armenııanyń «Alashkertine» (0:0, 2:3) ese jiberdi.
Sondaı-aq, búgin UEFA Konferentsııa lıgasy pleı-off satysynda Qaraǵandynyń «Shahteri» syrt alańda Izraıldiń «Makkabı Tel-Avıv» klýbymen kezdesedi.
Aıta ketsek, UEFA Konferentsııa lıgasynda elordalyq «Astana» jáne qostanaılyq «Tobyl» komandalary synǵa túsken edi. Olar úshinshi irikteý satysynan asa alǵan joq.
