UEFA Konferentsııa lıgasy: «Qaırat» syrt alańda «Foladan» basym tústi
NUR-SULTAN. QazAqparat - UEFA Konferentsııa lıgasy pleı-off satysynda qazaqstandyq «Qaırat» alǵashqy oıynyn ótkizedi, dep habarlaıdy QazAqparat tilshisi.
Almatylyq klýb pleı-off satysynda syrt alańda Lıýksembýrgtiń «Fola» komandasymen kezdesti.
Oıynnyń alǵashqy kezeńinde eki komandanyń da gol soǵatyn birneshe múmkindigi bolǵan edi. Dese de fýtbolshylar qaqpany dál kózdeı alǵan joq.
Kezdesýdiń 19-mınýtynda alań ıeleri qatarynan Mırza Mýstafıch mergendik tanytqan edi. Budan keıin almatylyq klýb qatarynan úsh gol soǵyp ketti. Aldymen 28-mınýtta Artýr Shýshenachev tarazy basyn teńestirsdi. Odan keıin Vagner Lav 37, Rıkardý Alvesh 43-mınýttarda gol soǵyp, esepti ústemeleı tústi. Al 70-mınýtta Vagner Lav penaltıden múlt ketken joq.
Osylaısha «Qaırat» qarsylasynan 4:1 esebimen basym tústi.
Eki komandanyń qarymta kezdesýi 26 tamyzda Almaty qalasynda ótkiziledi.
Aıta keetıik, «Qaırat» aldymen Chempıondar lıgasy birinshi irikteý satysynda Izraıldiń «Makkabı Haıfa» klýbynan (1:1, 2:0) basym tústi. Odan keıin Serbııanyń «Tsrvena Zvezda» klýbyna (2:1, 0:5) jol berip qoıdy.
Eýropa lıgasy úshinshi irikteý satysynda «Qaırat» Armenııanyń «Alashkertine» (0:0, 2:3) ese jiberdi.
