UEFA Konferentsııa lıgasy: «Qaırat» syrt alańda «Bazelmen» kezdesedi
NUR-SULTAN. QazAqparat - Búgin fýtboldan UEFA Konferentsııa lıgasy toptyq kezeńiniń ekinshi týrynda qazaqstandyq «Qaırat» Shveıtsarııanyń «Bazel» komandasymen kezdesedi, dep habarlaıdy QazAqparat tilshisi.
Kezdesý elorda ýaqytymen 00:50-de bastalyp, «Qazaqstan» telearnasynan tikeleı efırde kórsetiledi.
Atalǵan kezdesýde anglııalyq Stıýart Atvell bas tóreshi qyzmetin atqarady.
Oǵan otandastary Denıel Kýk pen Garrı Lennard kómekshilik jasaıdy. Qosalqy tóreshi de - sol eldiń ókili Devıd Kýt.
Eske salsaq, «Qaırat» H tobynda synǵa túsedi. Qarsylastary - Shveıtsarııanyń «Bazel», Ázerbaıjannyń «Karabah» jáne Kıprdiń «Omonııa» komandalary.
Alǵashqy týrda «Qaırat» óz alańynda Kıprdiń «Omonııa» klýbymen 0:0 esebine qanaǵat bildirse, «Bazel» syrt alańda Ázerbaıjannyń «Karabah» klýbymen kezdesýinde dál sondaı esep tirkeldi.
«Qaırat» bıyl eýrokýbok oıyndaryn Chempıondar lıgasynyń birinshi irikteý satysynan bastady. Aldymen Izraıldiń «Makkabı Haıfa» (1:1, 2:0) jeńip, odan keıin Serbııanyń «Tsrvena Zvezda» komandasyna (2:1, 0:5) jol berdi.
Al Eýropa lıgasy úshinshi irikteý satysynda Armenııanyń «Alashkertinen» (0:0, 2:3) jeńilip, Konferentsııa lıgasy pleı-off satysynda Lıýksembýrgtiń «Fola» klýbynyń (4:1, 3:1) osal tusyn tapty.
«Bazel» klýby 1893 jyly qurylǵan. Óziniń elinde 20 márte chempıon atanǵan.
Eýrokýbok oıyndaryna turaqty túrde qatysyp keledi.
