UEFA Konferentsııa lıgasy: «Qaırat» syrt alańda Ázerbaıjan komandasymen kezdesedi
NUR-SULTAN. QazAqparat - Búgin, 21 qazanda fýtboldan UEFA Konferentsııa lıgasy toptyq kezeńiniń úshinshi týrynda qazaqstandyq «Qaırat» syrt alańda Ázerbaıjannyń «Karabah» komandasymen kezdesedi, dep habarlaıdy QazAqparat tilshisi.
Kezdesý elorda ýaqytymen 22:45-te bastalyp, «Qazsport» telearnasynan tikeleı efırde kórsetiledi.
Aıta ketsek, «Qaırat» H tobynda synǵa túsedi. Qarsylastary - Shveıtsarııanyń «Bazel», Ázerbaıjannyń «Karabah» jáne Kıprdiń «Omonııa» komandalary.
«Karabah» 1951 jyly qurylǵan. Atalǵan klýb Ázerbaıjan birinshiliginde segiz márte chempıon atandy. Sondaı-aq, tórt-tórtten kúmis jáne qola júldege qol sozdy.
1996 jyldan beri eýrokýbok oıyndarynda baq synap keledi. 2017/18 jylǵy kezeńde Chempıondar lıgasy, 2014/15, 2016/17, 2018/19, 2019/20 jylǵy kezeńderde Eýropa lıgasy toptyq kezeńinde baq synady.
«Qaırat» komandasy bıylǵy Konferentsııa lıgasy toptyq kezeńinde óz alańynda Kıprdiń «Omonııasymen» 0:0 esebimen teń tússe, syrt alańda Shveıtsarııanyń «Bazel» klýbyna 2:4 esebimen jol berdi.
Al «Karabah» óz alańynda «Bazel» komandasymen 0:0 esebine qanaǵat bildirse, syrt alańda «Omonııany» 4:1 esebimen súrindirdi.
