UEFA Konferentsııa lıgasy: «Qaırat» búgin «Omonııamen» kezdesedi
NUR-SULTAN. QazAqparat - Búgin fýtboldan UEFA Konferentsııa lıgasy toptyq kezeńiniń altynshy týrynda qazaqstandyq «Qaırat» syrt alańda Kıprdiń «Omonııa» komandasymen kezdesedi, dep habarlaıdy QazAqparat tilshisi.
Kezdesý elorda ýaqytymen 02.00-de bastalyp, «Qazaqstan» telearnasynan tikeleı efırde kórsetiledi.
«Qaırat» H tobynda synǵa tústi. Qarsylastary - Shveıtsarııanyń «Bazel», Ázerbaıjannyń «Karabah» jáne Kıprdiń «Omonııa» komandalary.
Buǵan deıin almatylyq klýb óz tobynda bes oıyn ótkizdi. Alǵashqy týrda «Omonııamen» teń túsip, qalǵanynda qarsylastaryna ese jiberdi.
«Omonııa» 1948 jyly qurylǵan. Óziniń elinde 21 márte chempıon atandy.
Aıta ketsek, «Omonııa» 1965/66 jylǵy kezeńnen beri eýrokýbok oıyndaryna qatysyp keledi.
2003-2004 jylǵy kezeńde Chempıondar lıgasy birinshi irikteý satysynda Qazaqstannyń «Ertisin» (0:0, 2:1) orta jolda qaldyryp ketti.
