UEFA Konferentsııa lıgasy: Birinshi kezeńnen keıin «Astana» grekııalyq «Arısten» basym túsýde
NUR-SULTAN. QazAqparat - Búgin, 22 shildede UEFA Konferentsııa lıgasy ekinshi irikteý satysyndaǵy elordalyq «Astana» men Grekııanyń «Arıs» kezdesýiniń birinshi kezeńi aıaqtaldy, dep habarlaıdy QazAqparat tilshisi.
Eske salsaq, atalǵan týrnır bıyl tuńǵysh ret uıymdastyrylyp otyr. Oǵan UEFA quramyndaǵy reıtıngi tómen chempıonat komandalary qatysady.
Búgingi kezdesýde eki komanda tezirek gol soǵý múmkindigin izdedi. Nátıjesinde 24-mınýtta Marın Tomasov qaqpany dál kózdep, «Astana» komandasyn alǵa shyǵardy. Osylaısha birinshi kezeńde elordalyq klýb qarsylasyn 1:0 esebimen tize búktirýde.
Aıta ketsek, búgin atalǵan týrnırde syrt alańda Qostanaıdyń «Tobyly» Horvatııanyń «Haıdýk»,Qaraǵandynyń «Shahteri» Rýmynııanyń FKSB ( burynǵy ataýy «Stıaýa») klýbtarymen sheberlik baıqasady.
Eske salsaq, UEFA Chempıondar lıgasy ekinshi irikteý satysynda «Qaırat» óz alańynda serbııalyq «Tsrvena Zvezda» klýbynan basym tústi.
