UEFA Konferentsııa lıgasy: «Astana» jarys jolynan shyǵyp qaldy
NUR-SULTAN. QazAqparat - UEFA Konferentsııa lıgasy úshinshi irikteý satysynda qazaqstandyq «Astana» Fınlıandııanyń KýPS komandasyna jol berdi, dep habarlaıdy QazAqparat tilshisi.
Eske salsaq, eki komanda arasyndaǵy alǵashqy kezdesý 1:1 esebimen aıaqtalǵan.
Búgingi kezdesýde eki komandanyń biri jeńiske jetýi tıis bolatyn. Teń esep jeńimpazdy anyqtaı almaýshy edi.
Osylaısha eki komanda da birden alǵa umtyldy. Birinshi kezeńde «Astana» sapynan Tıgran Barsegıan 4, Abat Aıymbetov 41-mınýttarda mergendik tanytty. Nátıjesinde elordalyq klýb qarsylasynan 2:0 esebimen basym túsken edi.
Ekinshi kezeńde KýPS sapynan Ranjel 53-mınýtta esep aıyrmasyn qysqartty. Al 61, 74-mınýttarda Ranjel qos goldyń avtory atanyp, tarazy basyn teńestirip ketti.
Oıynnyń 77-mınýtta fınlıandııalyq klýb sapynan ıAnıs Ikaýneks óziniń komandasyn alǵa shyǵardy. Osylaısha «Astana» qarsylasynan 3:4 esebimen jeńilip, jarys jolynan shyǵyp qaldy.
Sondaı-aq, búgin atalǵan týrnırde Qostanaıdyń «Tobyly» syrt alańda Slovakııanyń «Jılına» komandasymen kezdesedi.
Al Qaraǵandynyń «Shahteri» Ýkraınanyń «Kolos» komandasyn orta jolda qaldyryp ketti.
Al Eýropa lıgasynda Almatynyń «Qaıraty» syrt alańda Armenııanyń «Aslashkertimen» sheberlik baıqasady.
