UEFA Konferentsııa lıgasy: «Astana» alǵashqy kezdesýde «Arısten» basym tústi
NUR-SULTAN. QazAqparat - Búgin, 22 shildede UEFA Konferentsııa lıgasy ekinshi irikteý satysyndaǵy alǵashqy kezdesýde elordalyq «Astana» Grekııanyń «Arıs» komandasynan basym tústi, dep habarlaıdy QazAqparat tilshisi.
Oıyn basynan eki komanda bir-biriniń qaqpasyna gol soǵatyn múmkindikti izdedi. Negizinen «Astana» alǵa qaraı jıi umtyldy. Óziniń alańynda jeńiske jetken jaǵdaıda jarystyń kelesi satysyna shyǵýǵa múmkindik arta túsedi. Elordalyq klýb fýtbolshylary osyndaı oımen jasyl alańǵa shyqty.
Nátıjesinde 24-mınýtta elordalyq klýbtan Marın Tomasov qaqpany dál kózdep, óziniń komandasyn alǵa shyǵardy. Budan keıin eki komanda da gol soǵatyn sátter de kezdesti. Birinshi kezeńde tablodaǵy esep ózgergen joq.
Ekinshi kezeńde Marın Tomasov shabýyl shebinde jıi boı kórsetti. Ol 70-mınýtta óziniń ekinshi golyn soǵyp, «Astananyń» basymdyǵyn arttyra tústi.
Kezdesýde «Astana» qarsylasynan 2:0 esebimen basym tústi. Qarymta kezdesý 29 shildede Grekııada ótkiziledi.
UEFA qaramaǵyndaǵy Chempıondar lıgasy men Eýropa lıgasynan keıingi úshinshi deńgeıdegi qurlyqtyq klýbtyq fýtbol týrnıri. Týrnırge UEFA quramyndaǵy reıtıngi tómen chempıonat komandalary qatysady. Árbir eldiń chempıony burynǵysynsha Chempıondar lıgasynda baq synaıdy. Al 2-3 oryn alǵan klýbtar jáne Kýbok ıegerleri Eýropa lıgasyna emes, Konferentsııalar lıgasynda dop tebedi.
Aıta ketsek, búgin atalǵan týrnırde syrt alańda Qostanaıdyń «Tobyly» Horvatııanyń «Haıdýk»,Qaraǵandynyń «Shahteri» Rýmynııanyń FKSB ( burynǵy ataýy «Stıaýa») klýbtarymen sheberlik baıqasady.
Eske salsaq, UEFA Chempıondar lıgasy ekinshi irikteý satysynda «Qaırat» óz alańynda serbııalyq «Tsrvena Zvezda» klýbynan basym tústi.
