ÝEFA klýbtarynyń reıtıngi: «Astana» bes orynǵa joǵarylady
ASTANA. QazAqparat - «Astana» fýtbolshylarynyń Eýropa Lıgasynda pragalyq «Slavııany» jeńýi komandanyń ÝEFA klýbtary reıtınginde óz ornyn jaqsartýǵa yqpal etti, dep habarlaıdy Sports.kz.
Stanımır Stoılovtyń shákirtteri 20,750 upaımen 72-den 67-orynǵa kóterildi. 66-orynǵa - venalyq «Rapıd» (21,500), odan keıin agdamdyq «Karabah» (20,500) jaıǵasqan. Alǵashqy úshtikte madrıdtik «Real» (148,000), «Barselona» (126,000) jáne mıýnhendik «Bavarııa» (125,000) ornalasqan.
Eske salaıyq, keshe «Astana» komandasy Eýropa Lıgasy toptyq kezeńiniń sońǵy oıynyn Chehııa astanasy Pragada «Slavııamen» ótkizip, 1:0 esebimen jeńiske jetti . Osylaısha, Qazaqstan fýtbol tarıhynda tuńǵysh ret pleı-off básekesine joldama aldy.
