ÝEFA Italııanyń Fýtbol Federatsııasyna qatysty tergeýdi bastady
ASTANA. QazAqparat - Eýropalyq fýtbol qaýymdastyǵy odaǵy (ÝEFA) Italııa Fýtbol federatsııasynyń jańa prezıdenti Karlo Tavekkıoǵa qatysty tártiptik tergeýdi bastady.
Bul týraly ÝEFA baspasóz qyzmeti habarlady.
Tavekkıo óziniń saılaýaldy baǵdarlamasy barysynda násilshildikke qatysty aıtqan sózi úshin aıyptalýda. Ol Afrıka oıynshylaryn «banan jegishter» dep ataǵan. Osydan keıin jergilikti BAQ-tarda Tavekkıonyń bul áreketin kemsitýshilikke balaǵan pikirler tolyp ketti. Al FIFA 71 jastaǵy sheneýniktiń ótinishi boıynsha IFF basshylyǵyna tergeý júrgizýdi suraǵan bolatyn.
11 tamyzda Tavekkıo 60,4 paıyz daýys jınap, IFF prezıdentiniń saılaýynda jeńiske jetti.
