UEFA indetke qaramastan 2021 jyldan úshinshi eýrokýbok oıyndaryn ótkizbek
NUR-SULTAN. QazAqparat – Eýropalyq fýtbol qaýymdastyqtary odaǵy (UEFA) koronavırýs pandemııasyna baılanysty qalyptasqan jaǵdaıǵa qaramastan, 2021/22 jylǵy maýsymnan Chempıondar lıgasy men Eýropa lıgasynan bólek taǵy bir klýbtyq jarys – Konferentsııalar lıgasyn uıymdastyrýdy kózdep otyr, dep habarlaıdy QazAqparat.
Brıtandyq The Guardian basylymynyń jazýynsha, bul týraly UEFA basshysy Aleksander Cheferın málim etken.
«Biz 2021/22 jylǵy maýsymnan bastap Konferentsııalar lıgasyn ótkizýdi bastaımyz. Ony keıinge qaldyrmaımyz», - dep atap ótken Cheferın.
Konferentsııalar lıgasynyń toptyq kezeńinde segiz topqa bólinetin 32 komanda oınaıdy. Kvartet jeńimpazdary aqtyq jarystyń 1/8 kezeńine ótedi, ekinshi oryn enshilegen komandalar Eýropa lıgasynyń toptyq kezeńinde úshinshi oryn alǵan klýbtarmen pleı-offqa shyǵý úshin básekelesedi. Jarys jeńimpazy kelesi maýsymda Eýropa lıgasynda oınaýǵa múmkindik alady.
