ÝEFA «Haıdýk» - «Brondbıý» matchyn jankúıersiz ótkizý týraly sheshiminen bas tartty
ASTANA. QazAqparat - Eýropalyq fýtbol qaýymdastyǵy (ÝEFA) Eýropa Lıgasynyń úshinshi irikteý kezeńinde horvatııalyq "Haıdýk" pen danııalyq "Brondbıý" arasyndaǵy matchty jankúıersiz ótkizý sheshiminen bas tartty.
Bul týraly ÝEFA baspasóz qyzmeti habarlady.
Klýbtar arasyndaǵy kezdesý beısenbide Splıtte ótedi. Birinshi oıyn 0.0 esebimen aıaqtalǵan bolatyn.
Bastapqyda ÝEFA Eýropa Lıgasynyń ekinshi irikteý kezeńinde 13 shildede bolgarlyq «Levskımen» óz alańyndaǵy oıynynda jankúıerlerdiń násilshildik aıǵaıy úshin «Haıdýkty» jazalaǵan.
"Haıdýk" osy oqıǵaǵa qatysty 50 myń eýro kóleminde aıyppul tóleýi tıis. Sondaı-aq klýbqa jankúıerlerdiń alańǵa bógde zattardy laqtyrǵany úshin 5 myń eýro aıyppul salyndy.
"Haıdýk" apellıatsııaǵa berdi, ÝEFA ony ishinara qanaǵattandyrdy. Endi klýb fanattardyń násilshildik aıǵaıy úshin stadıon trıbýnalaryn ishinara jabatyn boldy jáne 30 myń eýro kóleminde aıyppul tóleıdi. Al alańǵa bógde zattardy laqtyrǵany úshin belgilengen 5 myń eýro aıyppul ózgertilgen joq.
