UEFA fınaly: Búgin «Tottenhem» men «Manchester ıÝnaıted» kezdesedi

ASTANA. KAZINFORM — 2024/2025 jylǵy UEFA Eýropa lıgasynyń sheshýshi oıyny búgin ótedi. Fınalda Anglııanyń eki alpaýyty — «Tottenhem» men «Manchester ıÝnaıted» klýbtary kúsh synasady, dep jazady Report.

Match Ispanııanyń Bılbao qalasyndaǵy «San-Mames» stadıonynda ótedi. Kezdesý Qazaqstan ýaqyty boıynsha túngi 01:00–de bastalady. Oıynǵa germanııalyq tóreshi Felıks Tsvaıer qazylyq etedi.

«Tottenhem» bul týrnırde buǵan deıin eki ret (1972, 1984) jeńiske jetken.

Al «Manchester ıÝnaıted» Eýropa lıgasynyń kýbogyn bir ret, 2016/2017 jylǵy maýsymda ıelengen.

Týrnır tarıhyndaǵy eń kóp chempıon atanǵan komanda — Ispanııanyń «Sevılıa» klýby. Ol bul jarysta jeti márte top jarǵan.

Týrnır tarıhyndaǵy úzdik surmergen — Shvetsııa quramasynyń burynǵy jartylaı qorǵaýshysy Henrık Larsson. Onyń enshisinde 40 gol bar.

Ótken maýsymda bul týrnırde Italııanyń «Atalanta» klýby jeńiske jetken bolatyn.

Aıta keteıik, buǵan deıin hokkeıden álem chempıonatynda shırek fınalǵa shyqqan quramalar anyqtalǵanyn jazdyq.