ÝEFA FIFA basshysyn saılaýǵa boıkot jasamaıtyn boldy
ASTANA. QazAqparat - Eýropalyq fýtbol qaýymdastyǵynyń odaǵy FIFA kongresine boıkot jasamaý sheshimine keldi. Uıymnyń prezıdentin saılaý josparǵa sáıkes juma kúni ótedi.
Bı-bı-sı habarlaǵandaı, bul sheshim ÝEFA basshylyǵynyń shuǵyl otyrysynda qabyldandy.
27 mamyrda Shveıtsarııada jemqorlyqqa qatysy bar degen kúdikpen FIFA joǵary laýazymdy sheneýnikteri ustaldy. Olardyń ishinde FIFA-nyń vıtse-prezıdentteri Djeffrı Ýebb pen Eýhenıo Fıgeredo bar.
Sársenbi kúni FIFA fýtbolǵa qatysy bar qyzmetterdegi 11 adamdy bosatty. Olarǵa qatysty tergeý jumystary júrgizilip jatyr.
