ÝEFA «Evro-2016» aıaǵyna deıin Reseı quramasyn shartty túrde jarystan shettetý týraly sheshim shyǵardy
ASTANA. QazAqparat - Frantsııada ótip jatqan fýtboldan Eýropa chempıonatynda Reseı men Anglııa quramalarynyń arasyndaǵy kezdesý kezinde oryn alǵan tártipsizdik oqıǵalaryn tergeýden keıin ÝEFA Reseı fýtbol odaǵyna 150 myń eýro kóleminde aıyppul salyp, komandany týrnırdiń aıaǵyna deıin shartty túrde jarystan shettetý týraly sheshim shyǵardy.
Eger kelesi matchtarda stadıonda reseılik jankúıerler tarapynan tártipsizdik oqıǵalary, násilshildik kórinisteri, pırotehnıka qoldaný taǵy da qaıtalansa, ÝEFA RF komandasyn týrnırden alyp tastaıdy. Sheshim tek stadıonnyń ishinde bolǵan oqıǵalarǵa ǵana qatysty, dep eskertedi ÝEFA saıty.
V tobynda óner kórsetip jatqan Reseı men Anglııa alǵashqy týrda teń tústi, esep - 1:1. Kezdesý aıaqtalǵan soń, reseılik jankúıerler aǵylshyndar otyrǵan sektorǵa basyp kirip, olardyń qoldarynan jalaýlaryn julyp, birneshe brıtandyqty soqqyǵa jyqqan. Tóbeles tártip saqshylary aralasqanǵa deıin jalǵasqan edi.
