UEFA eýropalyq fýtbol klýbtarynyń jańartylǵan reıtıngin jarııalady

ASTANA. KAZINFORM — Eýropalyq fýtbol assotsıatsııasy odaǵy (UEFA) Eýropa klýbtarynyń jańartylǵan reıtıng nusqasyn jarııalady.

УЕФА
Фото: sports.ru

Atalǵan reıtıngte Ispanııanyń «Real Madrıd» klýby kósh basynda tur. Odan keıingi oryndarda «Manchester Sıtı» (Anglııa), «Bavarııa» (Germanııa), «Lıverpýl» (Anglııa) komandalary keledi.

Sondaı-aq alǵashqy ondyqqa «Parı Sen-Jermen» (Frantsııa), «Inter» (Italııa), «Chelsı» (Anglııa), «Borýssııa Dortmýnd» (Anglııa), «Roma» (Italııa) jáne «Barselona» (Ispanııa) jaıǵasqan. 

Al elimizdiń atynan synǵa túsip júrgen klýbtar arasynda «Astana» — 134, «Tobyl» — 183 orynǵa jaıǵasqan. Al «Qaırat» — 266, «Ordabasy» — 306, «Aqtóbe» — 352, «Shahter» — 376, «Qyzyljar» — 387, «Qaısar» — 388 orynǵa turaqtady.

Aıta ketsek, bıyl «Qaırat» Chempıondar lıgasynda baq synasa, «Aqtóbe» Eýropa lıgasy, «Astana» men «Ordabasy» Konferentsııa lıgasynda el namysyn qorǵaıdy.

Eske salsaq, budan buryn «Qaırattyń» Chempıondar lıgasyndaǵy yqtımal qarsylastary anyqtaldy.

Olardyń qatarynda Bolgarııanyń «Lýdogorets», Slovenııanyń «Olımpııa», Shvetsııanyń «Malme», Lıtvanyń «Jalgırıs», Latvııanyń RFS, Fınlıandııanyń KýPS, Gıbraltardyń «Lınkoln», Kosovonyń «Drıta», Islandııanyń «Breıdablık», Soltústik Irlandııanyń «Lınfıld», Chernogorııanyń «Býdýchnost» jáne ózge de klýbtar bar.

Сейчас читают