ÝEFA Eýropa lıgasy: Jartylaı fınalǵa shyqqan komandalar anyqtaldy
NUR-SULTAN. QazAqparat - Búgin fýtboldan ÝEFA Eýropa lıgasynyń shırek fınalynyń qarymta oıyndary ótti, lep habarlaıdy QazAqparat.
Italııanyń Neapol qalasynda jergilikti «Napolı» Anglııanyń «Arsenal» komandasyna jol berdi. Atalmysh kezdesýde gol 36-mınýtta soǵyldy. Bul sátte «Arsenal» shabýylshysy Aleksandr Lıakazet mergendik tanytty.
Eki komanda arasyndaǵy alǵashqy kezdesýde aǵylshyndar 2:0 esebimen basym túsken edi. Germanııanyń «Aıntraht» komandasy óz alańynda Portýgalııanyń «Benfıka» komandasyn súrindirdi. Esep 2:0.
Bul oıynda alań ıeleri qatarynan Fılıp Kostıch 36, Sebastıan Kode 67-mınýttarda gol soqty. Apta buryn ótken alǵashqy kezdesýde portýgal fýtbolshylary 4:2 esbimen jeńiske jetken edi.
Búgingi Anglııanyń «Chelsı» jáne Chehııanyń «Slavııa» arasyndaǵy kezdesý goldarǵa toly boldy. Aǵylshyndar qatarynan Pedro Rodrıges 5, 27, Sımon Delı 9, Olıve Jırý 17-mınýtta qarsylastar qaqpasyn dál kózdese, cheh fýtbolshylarynan Tomash Soýchek 26, Petr Shevchık 51, 54-mınýtta qanjyǵasyn maılady.
Alǵashqy kezdesýde «Chelsı» 1:0 esebimen jeńgen edi. Ispanııanyń qos komandasy - «Valensııa» men «Vılıarreal» arasyndaǵy kezdesýde alǵashqysy 2:0 esebimen basym tústi. «Valensııa» klýbynan Antonıo Lagorre 13, Danıel Pareho 54-mınýtta gol soǵyp ketti. Birinshi oıynda valensııalyqtar atalmysh qarsylasyn 3:1 esebimen tize búktirgen edi.
Endi jartylaı fınal oıyndary 2 jáne 9 mamyr kúnderi ótkiziledi. Jartylaı fınalda «Arsenal» jáne «Valensııa», «Chelsı» men «Aıntraht» komandalary jup qurady. Budan buryn ÝEFA Chempıondar lıgasy shırek fınaly ótkenin habarlaǵan edik .
