UEFA Eýropa lıgasy: «Qaırattyń» búgingi oıynyn qaıdan kórýge bolady
NUR-SULTAN. QazAqparat - Búgin, 12 tamyzda UEFA Eýropa lıgasy úshinshi irikteý satysynda almatylyq «Qaırat» syrt alańda Armenııanyń «Alashkert» komandasymen kezdesedi, dep habarlaıdy QazAqparat tilshisi.
Kezdesý elorda ýaqytymen 21.00-de bastalyp, «Qazsport» telearnasynan tikeleı efırde kórsetiledi.
Aıta keteıik, eki komanda arasyndaǵy alǵashqy kezdesýde 0:0 esebi tirkeldi.
Eki komanda 2015 jyly Eýropa lıgasy ekinshi irikteý satysynda kezdesken edi. Óz alańynda qazaqstandyq klýb 3:0 esebimen jeńse, syrt alańda 1:2 esebimen ese jiberdi. Nátıjesinde qazaqstandyqtar jarysty jalǵastyrǵan bolatyn.
Almatylyq komanda bıyl eýrokýbokty Chempıondar lıgasynda bastaǵan bolatyn. Almatylyq komanda birinshi irikteý satysynda Izraıldiń «Makkabı» (Haıfa) komandasyn (2:0, 1:1) orta jolda qaldyryp ketti.
Odan keıin Serbııanyń «Tsrvena Zvezda» komandasyna (2:1, 0:5) ese jiberip qoıdy.
