ÝEFA Eýropa lıgasy: «Aqtóbeniń» kelesi qarsylasy - moldovalyq «Mılsamı» komandasy
ASTANA. 13 shilde. QazAqparat - ÝEFA Eýropa lıgasynyń irikteý matchtary aıasynda ekinshi aınalymǵa shyqqan Qazaqstannyń «Aqtóbe» komandasy kelesi oıynda moldovalyq «Mılsamı» komandasymen kúsh synasady.
Týrnırge ekinshi aınalymnan bastap qatysqaly jatqan «Mılsamı» komandasy kúni keshe ǵana Moldavııanyń Sýperkýbogyn jeńip aldy. Aqtyq syndarda olar «Sherıf» quramasymen kezdesip, penaltı serııasy boıynsha 6:5 esebimen jeńiske jetti. «Aqtóbe» bolsa, ÝEFA Eýropa lıgasynyń irikteý matchtary aıasyndaǵy alǵashqy kezdesýde Gýrzııanyń «Torpedo» komadasyn 1:0 esebimen tize búktirip, ekinshi aınalymǵa joldama alǵan bolatyn.
Endi, shildeniń 19-y kúni bizdiń fýtbolshylar Moldovada «Mılsamı» komandasymen kezdesedi. Ekinshi oıyn shildeniń 26-sy kúni Aqtóbe qalasynda ótedi.
