ÝEFA Eýropa lıgasy: «Aqtóbe» ekinshi aınalymǵa shyqty
ASTANA. 13 shilde. QazAqparat - Keshe óz alańynda Grýzııanyń «Torpedo» (Kýtaısı qalasy) komandasyn qabyldaǵan «Aqtóbeniń» fýtbolshylary óz qarsylastaryn jeńip, ÝEFA Eýropa lıgasynyń irikteý matchtary aıasyndaǵy ekinshi aınalymǵa joldama aldy.
Osy joly da aqtóbelik Marat Bıkmaev erledi. Buǵan deıin Kýtaısı qalasynda ótken oıynda ol bir gol soǵyp, tarazy basyn teńestirgen bolatyn. Sol kezde «Aqtóbe» men «Torpedo» arasyndaǵy oıyn 1:1 bolyp aıaqtalǵan. Keshe Grýzııanyń «Torpedo» komandasyn óz alańynda qabyldaǵan «Aqtóbe» óz qarsylastaryn 1:0 esebimen jeńdi. Goldyń avtory - Marat Bıkmaev. Osylaısha Qazaqstannyń «Aqtóbe» komandasy ÝEFA Eýropa lıgasynyń irikteý matchtarynyń ekinshi aınalymyna shyǵyp otyr.
