ÝEFA Eýropa chempıonatynyń fınaldyq matchtaryn ótkizý sheshimin qaıta qaraýy tıis – Eýrokomıssııa
NUR-SULTAN. QazAqparat - Ankara koronavırýstyń jańa shtamdarynyń aldyn alý maqsatynda birqatar elmen áýe qatynasyn toqtatady. Bul týraly QazAqparat QR Úkimeti janyndaǵy Qazaqstanda koronavırýstyń taralýyna jol bermeý jónindegi vedomstvoaralyq komıssııanyń Telegram kanalyna silteme jasap.
Túrkııa 1 shildeden bastap Bangladesh, Brazılııa, Nepal, Úndistan, Shrı-Lanka jáne Ońtústik Afrıka Respýblıkasy sııaqty alty memleketpen áýe qatynasyn belgisiz merzimge deıin toqtatpaq.
«Bul elderden Túrkııaǵa tikeleı reısterge tyıym salynady. Sońǵy 14 kún ishinde Bangladesh, Brazılııa, Nepal, Úndistan, Shrı-Lanka jáne Ońtústik Afrıkada bolǵan Túrkııaǵa kelýshiler respýblıkaǵa kirerden 72 saǵat buryn jasalǵan PTR testiniń teris nátıjesi kórsetilgen anyqtamany usynýy kerek. Osydan keıin olar 14 kúndik karantınge jiberiledi», - delingen eldiń ІІM taratqan habarlamada.
Ulybrıtanııada koronavırýs ınfektsııasynyń «delta» dep atalatyn nusqasynyń taralýyna baılanysty ÝEFA Londonda Eýropa chempıonatynyń fınaldyq matchtaryn ótkizý týraly sheshimdi qaıta qaraýy tıis. Bul týraly Eýrokomıssııanyń vıtse-tóraǵasy Margarıtıs Shınas málimdedi.
Shınastyń pikirinshe, 6 jáne 7 shildede jartylaı fınal oıyndaryn, al 11 shildede fınaldyq oıyndy Londonnyń Ýemblı stadıonynda ótkizýdiń esh máni joq. Sońǵy táýlikte Ulybrıtanııada koronavırýstyq ınfektsııany juqtyrýdyń rekordtyq kórsetkishi tirkeldi. Іndetke bir táýlik ishinde shaldyqqan adamdardyń sany 23 myńnan asty.
Koronavırýs ınfektsııasy jastar arasynda joǵary qarqynmen taralýda. Qazirgi tańda Sankt-Peterbýrgte COVID-19-dy juqtyrǵan 20 jáne 40 jas aralyǵyndaǵy patsıentterdiń úlesi pandemııanyń birinshi jáne ekinshi tolqyny kezindegige qaraǵanda áldeqaıda joǵary, dep málimdedi qalalyq densaýlyq saqtaý komıtetiniń tóraǵasy Dmıtrıı Lısovets.
«Jasandy tynys alý apparatynda jatqan jas jáne orta jastaǵy patsıentter sanynyń edáýir artqanyn baıqap otyrmyz. Ókinishke oraı, aýrýdyń ólimge ákeletin jaǵdaılary da jıi kezdesedi», - dedi ol.
Grekııa bıligi koronavırýsqa qarsy ekpeni saldyrǵan jastarǵa 150 evrosy bar tólem kartasyn usynady. Usynys 18-den 25 jasqa deıingi 940 myń jas adamǵa eseptelgen. Bul maqsatqa el úkimeti 141 mln eýroǵa deıin qarajat bólýdi josparlap otyr. Atalmysh aktsııanyń maqsaty – shilde aıynyń sońyna qaraı halyqtyń 60%-yn tolyq vaktsınamen qamtamasyz etý. Grekııa halqynyń jalpy sany 11 mıllıon adamdy quraıdy.
Afrıkanyń soltústiginde koronavırýs ınfektsııasynyń pandemııasyna qatysty jaǵdaı kúrt nasharlaýda. Týnıste jasalǵan árbir úshinshi test oń nátıjeni kórsetip otyr. Eldiń densaýlyq saqtaý mınıstrliginiń málimetinshe, memlekette alǵash ret Úndistanda paıda bolǵan vırýstyń «delta» shtamynyń 20-ǵa jýyq jaǵdaıy tirkelgen.
