UEFA Eýrokýbok oıyndaryn jalǵastyrýdyń eki jolyn qarastyrdy
NUR-SULTAN. QazAqparat – Búgin UEFA vıdekonferentsııa formatynda otyrys ótkizip, koronavırýs pandemııasyna baılanysty ýaqytsha toqtatylǵan fýtbol maýsymyn jalǵastyrýdyń eki jolyn qarastyrdy, dep habarlaıdy QazAqparat tilshisi uıymnyń saıtyna silteme jasap.
Alǵashqy joly retinde Eýrokýbok jalǵasqanǵa deıin Ulttyq birinshilikterdi ótkizý usynylyp otyr. Taǵy bir joly – eki týrnırdi bir ýaqytta júrgize berý. Al Eýrokýbok oıyndaryn tamyz aıynda jalǵastyrý josparda bar. Eýropanyń kóptegen memleketterinde dop dodasy «kúz-kóktem» júıesi boıynsha júrgiziledi. Sondyqtan olardyń keıbirinde ázirge irikteý jáne toptyq kezeńge joldama alǵan komandalar anyqtala qoıǵan joq.
Bıyl Chempıondar lıgasynda elordalyq «Astana» synǵa tússe, Eýropa lıgasynda Almatynyń «Qaırat», Shymkenttiń «Ordabasy» jáne Qyzylordanyń «Qaısar» komandalary oıyn kórsetedi.
Aıta ketelik, 2019/2020 jylǵy Chempıondar lıgasy men Eýropa lıgasy 1/8 fınalda toqtatyldy. Degenmen Chempıondar lıgasynda tórt qatysýshy shırek fınalǵa shyǵyp úlgerdi. Al Premer-lıga komandalary arasyndaǵy el birinshiligi eki týrdan keıin ýaqytsha keıinge shegerildi.
