ÝEFA «Eýro-2012» fınalynyń tóreshisin aıqyndady
ASTANA. 1 shilde. QazAqparat - «Eýro-2012» fınaldyq matchynda Ispanııa men Italııa arasyndaǵy tartysty oıynnyń bas tóreshisi portýgaldyq arbıtr Pedro Proensa bolady.
Bul jaıynda ÝEFA taratqan resmı baspasóz málimdemesinde aıtylǵan.
Aıta keterligi, Proensa «Eýro-2012»-de úsh oıynǵa tóreshi bolǵan edi. ıAǵnı olardyń qatarynda Ispanııanyń da, Italııanyń da qatysýyndaǵy oıyndar bar. Máselen, Ispanııa-Irlandııa arasyndaǵy oıynda ıspandyqtar 4:0, al Anglııa-Italııa arasyndaǵy oıynda ıtalıandyqtar penaltıde 4:2 esebimen basym túsken edi.
Pedro Proensa úshin Italııa men Ispanııa arasyndaǵy oıyn maýsymdaǵy ekinshi iri aqtyq oıyn bolyp sanalady. Óıtkeni ol 19 mamyrda Chempıondar lıgasynyń fınalynda mıýnhendik «Bavarııa» men londondyq «Chelsı» okmandalary arasyndaǵy oıynda bas tóreshi boldy.
Búgin Astana ýaqyty boıynsha 00:45-te «Eýro-2012» fınalynda Ispanııa men Italııa quramalary Kıevtege «Olımpııskıı» stadıonynda kezdesedi.
