«ÝEFA Damý kýbogy»: Qazaqstan quramasy alań ıelerinen utyldy
ASTANA. QazAqparat - Fýtboldan Qazaqstan jasóspirimder quramasy (U17) Grýzııada ótip jatqan «ÝEFA Damý kýbogy» halyqaralyq týrnıriniń alǵashqy oıynynda alań ıelerine ese jiberdi, dep habarlaıdy QazAqparat tilshisi.
Qazaqstan fýtbol federatsııasynyń baspasóz qyzmeti taratqan málimetterge súıensek, Igor Svechnıkov shákirtteri alǵashqy oıynda Grýzııa komandasyna 3:2 esebimen jol bergen. Bizdiń komandanyń sapynda Ádilhan Dobaı men Vladıslav Býtyrın gol soqty.
Endi, 4 mamyr kúni Qazaqstan jasóspirimder quramasy Belarýs eliniń fýtbolshylarymen kezdesedi.
Grýzııa U-17 - Qazaqstan U-17 - 3:2
Goldar: Toronıadze, Ogbaıdze, Morchıladze - Dobaı, Býtyrın.
Qazaqstan jasóspirimder quramasynyń U-17 negizgi quramy: Pýzanov, Shırobokov, Shen, Dobaı, Hasanov, Rogalskıı, Ahanov, Qusaıynov, Bovkýn (k), Balýta, Aımanov.
