ÝEFA ChL: Qazaqstandyq klýbtar negizgi kezeńniń oıyndaryn aıaqtady
ASTANA. QazAqparat - Fýtzaldan qazaqstandyq klýbtar ÝEFA Chempıondar lıgasynyń negizgi kezeńinde qorytyndy matchtaryn ótkizdi, dep habarlaıdy QazAqparat QR Fýtbol federatsııasyna silteme jasap.
Atap aıtqanda, «Qaırat» Belarýstiń «Lıdin» oısyrata jeńip, óz tobynda úshinshi jeńiske qol jetkizdi. Almatylyqtar qarsylastardyń qaqpasyna jaýapsyz alty dop saldy. Gol avtorlary: Taınan, Ranjel Taıan, Djon, Esenamanov jáne qos dop salǵan Edson.
Match 6 qazan kúni Prıshtına qalasyndaǵy Jastar saraıynda ótti.
Elıtaly kezeńniń oıyndary 13-18 qarasha kúnderi aralyǵynda ótedi.
Al «Aqtóbe» klýby sheshýshi matchta jeńilis tapty. Horvatııalyq «Novo Vrıeme» klýbymen ótken oıyn qarsylastardyń paıdasyna 3:4 esebimen aıaqtaldy. Aqtóbelikterdiń sapynda gol soqqandar: Qaırat Imanalın jáne Evgenıı Seryı (dýbl).
Osylaısha, 6-topta úsh oıynda jeńiske jetip, birinshi orynǵa ıe bolǵan «Novo Vreıme» fýtzaldan ÝEFA-nyń Chempıondar lıgasynyń elıtaly kezeńine joldama aldy.
Oıyn 7 qazan kúni Makarska qalasyndaǵy «Gradskı Sportskı tsentr» kesheninde ótti.
