ÝEFA chempıondar Lıgasynyń toptyq kezeńi jerebesiniń qorytyndysy
ASTANA. Tamyzdyń 27-si. QazAqparat - ÝEFA chempıondar Lıgasynyń toptyq kezeńi jerebesiniń qorytyndysy boıynsha máskeýlik «Spartak» Ǵ tórttiginde «Chelsı», marseldik «Olımpık» jáne «Jılınmen» oınaıdy, dep habarlaıdy UEFA.com. portaly.
ÝEFA chempıondar lıgasynyń qazirgi chempıony «Internatsıonal», "Verder", "Tottenhem" jáne "Tvente" tórttigi toqaılasqan A tobynda ataǵyn qorǵap qalý úshin kúresedi.
Máskeý «Spartagy» Ǵ tobynda "Chelsı", "Olımpık" jáne "Jılınmen" oınaıtyn bolsa, Reseı chempıony «Rýbın» D tórttiginde "Barselona", "Panatınaıkos" jáne "Kopengagen" komandalarymen kezdesedi. Al, donetskiniń «Shahteri» N tobynda "Arsenal", "Braga" jáne "Partızanmen" sheberlik synasady.
Toptyq kezeń matchtary 14/15 qyrkúıek, 28/29 qyrkúıek, 19/20 qazan, 2/3 qarasha, 23/24 qarasha jáne 7/8 jeltoqsan kúnderi oınalady. Ár toptyń úzdik eki komandasy kelesi jylǵa qaldyrylǵan 1/8 fınalyna shyǵady. Chempıondar lıgasynyń fınaly kelesi jylǵy mamyrdyń 28-inde, senbi kúni londonnyń «Ýemblı» stadıonynda ótedi. Óz toptarynda úshinshi oryndy ıelengen klýbtar ÝEFA Eýropa Lıgasynyń 1/16 fınalynda oıyndaryn jalǵastyrady.
