UEFA Chempıondar lıgasy: «Real Madrıd» Moldovanyń «Sherıfinen» jeńilip qaldy
NUR-SULTAN. QazAqparat - Fýtboldan UEFA Chempıondar lıgasy toptyq kezeńiniń ekinshi týry bastaldy, dep habarlaıdy QazAqparat tilshisi.
Alǵashqy kúngi oıyndar arasynan D tobyndaǵy Ispanııanyń «Real Madrıd» komandasynyń óz alańynda jeńilip qalǵanyn jankúıerler sensatsııa retinde baǵalap otyr. Koroldik klýb Moldovanyń «Sherıfine» 1:2 esebimen jol berdi.
Kezdesýdiń 25-mınýtynda «Sherıf» sapynan Djasýrbek ıAhshıboev esep ashsa, 65-mınýtta ıspandyq klýb shabýylshysy Karım Benzema penaltıden tarazy basyn teńestirdi. Al 89-mınýtta «Sherıf» oıynshysy Sebastıan Pol jeńis golyn soǵyp ketti.
Osylaısha moldovalyq klýb týrnırdegi ekinshi jeńisine qol jetkizdi. Budan buryn olar óz alańynda Ýkraınanyń «Shahterinen» 2:0 esebimen basym túsken edi.
Sondaı-aq, atalǵan topta «Shahter» (Ýkraına) men «Inter» (Italııa) 0:0 esebine qanaǵat bildirdi.
A tobynda «Parı Sen-Jermen» (Frantsııa) óz alańynda «Manchester Sıtı» (Anglııa) komandasyn 2:0 esebimen jeńse, «Leıptsıg» (Germanııa) Belgııanyń «Brıýggesine» 1:2 esebimen jol berdi.
V tobynda óz alańynda «Mılan» (Italııa) klýby «Atletıko Madrıd» (Ispanııa) komandasynan 1:2 esebimen jeńilse, «Portý» (Portýgalııa) «Lıverpýl» (Anglııa) klýbyna 1:5 esebimen ese jiberdi.
Al S tobynda «Aıaks» (Nılerlandy) óz alańynda «Beshıktash» (Túrkııa) komandasyn 2:0, «Borýssııa Dortmýnd» (Germanııa) «Sportıng» (Portýgalııa) klýbyn 1:0 esebimen súrindirdi.
Búgin, 29 qyrkúıekte E, F, G, H toptaryndaǵy komandalar ekinshi týr kezdesýin ótkizedi .
