UEFA Chempıondar lıgasy: búgin toptyq kezeńiniń ekinshi týry bastalady
NUR-SULTAN. QazAqparat - Búgin fýtboldan UEFA Chempıondar lıgasy toptyq kezeńiniń ekinshi týry bastalady, dep habarlaıdy QazAqparat tilshisi.
Alǵashqy týr oıyndary eki kúnge belgilengen. Búgin, 28 qyrkúıekte A, V, C, D toptarynda oıyndar ótkiziledi.
Búgin jankúıerler negizinen «Parı Sen-Jermen» (Frantsııa) jáne «Manchester Sıtı» (Anglııa) kezdesýine kóz tigedi. Alǵashqy týrda frantsýzdar Belgııanyń «Brıýgge» komandasymen 1:1 teń tússe, aǵylshyndar Germanııanyń «Leıptsıg» komandasyn 6:3 esebimen súrindirdi.
Atalǵan oıyn elorda ýaqytymen 00.50-de bastalyp, tikeleı efırde «Qazaqstan» telearnasynan kórsetiledi.
Sondaı-aq, bul topta «Leıptsıg» pen «Brıýgge» komandalary sheberlik baıqasady.
Qazaqstandyq jankúıerler «Qazsport» telearnasynan tikeleı efırde elorda ýaqytymen 22.35-te D tobyndaǵy «Shahter» (Ýkraına) men «Inter» (Italııa), 00.50-de V tobyndaǵy «Mılan» (Italııa) men «Atletıko Madrıd» (Ispanııa) oıyndaryn tamashalaı alady.
Búgin D tobyndaǵy «Real Madrıd» (Ispanııa) pen «Sherıf» (Moldova), V tobyndaǵy «Portý» (Portýgalııa) jáne «Lıverpýl» (Anglııa) kezdesýleri ótedi.
Taǵy aıta keterligi, elorda ýaqytymen 00.50-de S tobynda «Aıaks» (Nılerlandy) pen «Beshıktash» (Túrkııa), «Borýssııa Dortmýnd» (Germanııa) pen «Sportıng» (Portýgalııa) oıyndary bolady.
Al 29 qyrkúıekte E, F, G, H toptaryndaǵy komandalar ekinshi týr kezdesýin ótkizedi.
