ÝEFA Chempıondar lıgasy: Astana-Jalgırıs kezdesýinde esep ashyldy
ASTANA. QazAqparat - "Astana" fýtbol komandasy ÝEFA Chempıondar lıgasynyń ekinshi irikteý týry aıasynda "Jalgırıs" komandasyna qarsy ótkizip jatqan oıynda esep ashty.
"Astana" klýbynyń oıynshylary oıynnyń bastapqy mınýttarynan bastap belsendilik tanytyp, qarsylastarynyń qaqpasyna alǵashqy bes mınýtta eki soqqy jasap úlgerdi. 10-mınýttan keıin lıtvalyqtar qarsy shabýyldardy údetti.
Oıyndaǵy ázirge jalǵyz goldy Marın Anıchıch salyp otyr.
Aıta keteıik, oıyn "Astana Arena" stadıonynda bolyp jatyr. Kelesi týrǵa ótý úshin astanalyqtarǵa jeńis kerek. Oıynda goldar salynyp, oıyn teń aıaqtalatyn bolsa, "Jalgırıs" kelesi kezeńge joldama alady.
Eske sala keteıik, komandalardyń birinshi kezdesý Vılnıýste ótken bolatyn. Jáne ol 0:0 esebimen aıaqtaldy.
