UEFA chempıondar lıgasy: «Astana» ekinshi irikteý satysynda qaı komandamen kezdesedi

ASTANA. QazAqparat – Elordalyq «Astana» komandasynyń UEFA chempıondar lıgasy ekinshi irikteý satysyndaǵy yqtımal qarsylasy belgili boldy, dep habarlaıdy QazAqparat tilshisi.

Qazaqstandyq klýb jarystyń alǵashqy satysynda Grýzııanyń «Dınamo» (Tbılısı) komandasymen kezdesedi.

Birinshi oıyn óz alańynda 11-12 shildede ótkizilse, qarymta kezdesý syrt alańda 18-19 shildege belgilengen.

Al, jarystyń ekinshi irikteý satysynda Horvatııanyń «Dınamo» (Zagreb) klýbymen sheberlik baıqasady. Oıyndar 25-26 shilde, 1-2 tamyz kúnderine belgilengen.

Bul úshin elordalyq komanda jarystyń birinshi satysynda Grýzııanyń «Dınamo» (Tbılısı) komandasyn qapy qaldyrýy tıis.

Aıta ketsek, «Astana» 2015-2016 jylǵy kezeńde atalǵan týrnırdiń toptyq kezeńinde oıyn kórsetti.

Al, 2016, 2017, 2018 jyldarda Eýropa lıgasy toptyq kezeńinde synǵa tústi.