UEFA Chempıondar lıgasy: Aldaǵy tórt jylda fınal ótetin stadıondar anyqtaldy
NUR-SULTAN. QazAqparat - Aldaǵy tórt jylda UEFA Chempıondar lıgasynyń aldaǵy tórt jylda fınaly ótetin stadıondar anyqtaldy, dep habarlaıdy QazAqparat tilshisi.
Atalǵan dodanyń 2022/2023 jylǵy kezeńdegi aqtyq syny Túrkııanyń Stambýl qalasyndaǵy Atatúrik atyndaǵy olımpıada stadıonynda ótkiziledi.
Buryn ol Germanııanyń Mıýnhen qalasyndaǵy «Alıants Arena» bolatyny jarııalanǵan edi. Chempıondar lıgasynyń fınaly bıyl Stambýlda ótedi dep josparlanǵan.
Epıdemıologııalyq qaýipsizdik máselesine baılanysty fınal atalǵan qaladan Portýgalııanyń Portý qalasyna aýystyryldy.
Endi Mıýnhen 2024/2025 jylǵy kezeńde atalǵan dodanyń aqtyq synyn ózinde qabyldaıdy.
Al 2023/2024 jylǵy kezeń fınaly Anglııa astanasy London qalasyndaǵy «Ýemblı» stadıonynda bolady. 2021/2022 jylǵy kezeńdegi fınal Reseıdiń Sankt-Peterbýrg qalasyndaǵy «Gazprom Arena» stadıonynda ótkiziledi.
Eske salsaq, bıyl Almatynyń «Qaıraty» ekinshi irikteý satysyna ótti.
