ÝEFA Chempıondar lıgasy: 3 komanda bes- besten gol soqty
NUR-SULTAN. QazAqparat – Búgin Eýropa Chempıondar lıgasy toptyq kezeńiniń 3-týr oıyndary bastaldy, dep habarlaıdy QazAqparat tilshisi.
3-týrdyń ortalyq oıyndarynyń biri Ystanbulda jergilikti «Galatasaraı» jáne Ispanııanyń «Real Madrıd» komandalary arasynda boldy. Zınedın Zıdan shákirtteri ótken eki oıynda jalǵyz upaı alǵandyqtan, búgingi oıyn olar úshin asa mańyzdy edi. Óıtkeni, eger «Madrıd» utylsa, tarıhta alǵash ret toptan shyǵa almaı qalýy múmkin. Sondyqtan ıspanııalyqtar alǵashqy mınýttardan-aq shabýylǵa lap qoıdy. Tonı Kroostyń 18-mınýttaǵy goly «Madrıdtiń» 1:0 esebimen jeńýine sebep boldy.
Chempıondar lıgasynyń 3-týry jankúıerlerdi goldarymen qýantty deýge bolady.
PSJ syrt alańda «Brıýggeni» 5:0, «Tottenhem» Londonda «Tsrvena Zvezdany» 5:0, «Manchester Sıtı» óz alańynda «Atalantany» 5:1 esebimen jeńdi.
Sondaı-aq «Shahter Donetsk» jáne «Dınamo Zagreb» oıynynda 2:2, «Atletıko Madrıd» - «Baıer» matchynda 1:0, «Olımpıakos» - «Bavarııa» kezdesýinde 2:3 esebi tirkeldi.
Týrınniń «ıÝventýs» klýby Máskeýdiń «Lokomotıvin» qabyldap, 2:1 esebimen jeńdi.
