ÝEFA Chempıondar lıgasy: 11 mınýtta 4 gol soǵylyp, rekord jańartyldy
NUR-SULTAN. QazAqparat - ÝEFA Chempıondar lıgasynyń 1/4 fınalyndaǵy «Manchester Sıtı» men «Tottenhem» komandalary arasyndaǵy kezdesýdiń birinshi taımy aıaqtaldy, dep habarlaıdy QazAqparat tilshisi.
Anglııanyń qos klýby arasyndaǵy kezdesý jyldam shabýyldarmen bastaldy. Bul oıynda goldar da kóp boldy. Áýeli, alań ıeleri - «Manchester Sıtı» fýtbolshylary tórtinshi mınýtta nátıjeli shabýyl uıymdastyrdy. Jas oıynshy Rahım Sterlıng komandasyn alǵa shyǵardy. 1:0. Bul esep nebári 3 mınýttan soń ózgerdi. Qonaq komandanyń shabýylshysy Hyn Mın Son tarazy basyn teńestirip, artynsha, esepti eseledi. 1:2. Oıyn qarqyny munymen báseńdemedi. 11-mınýtta «Manchester Sıtı» fýtbolshysy Bernardý Sılva qaıtadan esepti teńestirdi. Mine, qyzyq. 11 mınýttyń ishinde 4 gol! Bul ÝEFA Chempıondar lıgasynyń jańa rekordy. Buǵan deıin "Debretsen" - "Fıorentına" (3:4) oıynynda qarsylastar 20 mınýttyń ishinde 4 gol soqqan edi.
Jankúıerler búgingi matchtyń birinshi taımynda osyndaı erekshe oqıǵaǵa kýá boldy. Onyń avtory taǵy da Sterlıng.
