UEFA Chempıondar lıgasy negizgi kezeńinde «Qaırat» qansha paıda tapty

ASTANA. KAZINFORM - 2025/26 jylǵy maýsymda UEFA Chempıondar lıgasyn negizgi kezeńinde óz tarıhynda alǵash ret baq synaǵan qazaqstandyq «Qaırat» komandasy qansha paıda tapqany belgili boldy.

Qazaqstandyq komanda negizgi kezeńde segiz oıynda bir upaıǵa qol jetkizdi. Olar Portýgalııanyń «Sportıngine» 1:4, Ispanııanyń «Real Madrıdine» 0:5, Italııanyń «Interine» 1:2, Grekııanyń «Olımpıakosyna» 0:1, Danııanyń «Kopengagenine» 2:3, Belgııanyń «Brıýggesiine» 1:4, Anglııanyń «Arsenalyna» 2:3 esebimen jol berse, Kıprdiń «Pafosymen» 0:0 esebimen teń tústi.

«Qaırat» Chempıondar lıgasyn negizgi kezeńine shyqqany úshin 18,62 mıllıon eýro (11,23 mıllıard teńge) aldy. Negizgi kezeńdegi bir teń oıyn úshin komandaǵa taǵy 19,32 mıllıon eýro (11,65 mıllıard teńge) keldi.

Eýrokýbok maýsymy aıaqtalǵannan keıin bul somaǵa televızııalyq jáne marketıngtik quqyqty satýdan túsken tólem qosylady.

Eske salsaq, budan buryn Temirlan Anarbekov UEFA Chempıondar lıgasynyń úzdik qaqpashylary qataryna endi.