ÝEFA balalarǵa arnalǵan jabyq fýtbol alańyn salý úshin Qazaqstanǵa aqsha bóledi
ASTANA. QazAqparat - ÝEFA balalarǵa arnalǵan jabyq eki fýtbol alańyn salý úshin Qazaqstanǵa qarajat bóledi. Bul týraly Qazaqstan fýtbol federatsııasy bas hatshysynyń mindetin atqarýshy Erkebulan Hasenov málim etti.
«Búgingi tańda Qazaqstannyń fýtbol federatsııasy ÝEFA-men kelissózder júrgizip, «Het trık» baǵdarlamasynyń aıasynda balalarǵa arnalǵan jabyq fýtbol alańdaryn salý úshin qarajat bólý týraly kelisimge qol qoıdy. Bıylǵy qurylys úshin Astana qalasy tańdaldy»,-dedi ol.
E.Hasenovtiń málimetine súıensek, Qazaqstanda fýtbolǵa áýes balalardyń tek bir paıyzy ǵana qysy-jazy kók shalǵynda dop tebe alady. Bul - Ońtústik Qazaqstan oblysynyń balalary. Basqa oblystaǵy balalar kún sýytsa, aǵash edeni bar dene shynyqtyrý zaldarynda nemese qar túsken alańdarda oınaýǵa májbúr.
«Bul óte az kórsetkish. Sondyqtan, 2026 jylǵa deıin fýtboldy damytý strategııasynyń basty maqsaty - fýtbol manejderiniń qurylysyn tezdetý»,-dedi E.Hasenov.
