UEFA atqarý komıtetiniń otyrysy 17 maýsymǵa aýystyryldy
NUR-SULTAN. QazAqparat - UEFA atqarý komıtetiniń otyrysy 27 mamyrdan 17 maýsymǵa aýystyryldy, dep habarlaıdy QazAqparat tilshisi uıymnyń saıtyna silteme jasap.
Otyrys barysynda 2020 jyldan 2021 jylǵa aýystyrylǵan Eýropa birinshiligin ótkizý máselesi talqylanady. Qurlyqtyq doda 11 memlekettiń 12 stadıonynda ótkizilýi josparlanǵan. Degenmen qazir keıbir stadıonnyń daıyn emestigi anyqtalǵan. Sondyqtan aldaǵy otyrysta bul másele jan-jaqty talqylanady.
Sondaı-aq, otyrys barysynda Chempıondar lıgasy men Eýropa lıgasynyń keıinge shegerilgen oıyndaryn qaıta jalǵastyrý jaǵdaıy tarazyǵa tartylady.
Budan buryn fýtzaldan 2020 jylǵy álem chempıonaty keıinge shegerildi.
