UEFA 2024 jylǵy «Altyn dopty» uıymdastyrýshylar qataryna qosyldy
Eýropalyq fýtbol qaýymdastyqtarynyń odaǵy (UEFA) 2024 jylǵy «Altyn dopty» tabystaý rásimin uıymdastyrýshylar qataryna qosyldy, dep habarlaıdy Kazinform.
Atalǵan uıym syılyqty ótkizetin France Football jáne L ' Equipe medıa kompanııalaryna ıelik etetin Groupe Amaury kompanııasymen yntymaqtastyq týraly jarııalady.
UEFA marapattaý rásimin kommertsııalyq nasıhattaýmen jáne uıymdastyrýmen aınalysady.
«UEFA men «Altyn dop» sporttyq sheberliktiń sınonımi sanalady, sondyqtan seriktestigimiz erekshe deńgeıde júrgiziledi. Ataq pen sınergııanyń tabıǵı úılesimi bolady», - dedi UEFA basshysy Aleksandr Cheferın.
2023 jyly «Altyn dop» Argentına quramasy men «Inter Maıamı» klýbynyń oıynshysy Lıonel Messıge tabys etildi. Ol bul júldege segizinshi márte qol jetkizdi.
Aıta keteıik, «Altyn dop» júldesi 1956 jyldan beri turaqty túrde ótkizilip keledi.
