ÝEFA 2019/20 maýsymynyń eń úzdik oıynshysyn atady
NUR-SULTAN. QazAqparat – Germanııalyq «Bavarııa» fýtbol klýbyndaǵy polıak shabýylshysy Robert Levandovskıı Eýropalyq fýtbol qaýymdastyǵy odaǵynyń (ÝEFA) nusqasy boıynsha 2019/20 maýsymynyń eń úzdik oıynshysy bolyp tanyldy. Bul týraly QazAqparat atalmysh odaq saıtyna silteme jasap habarlaıdy.
Marapattaý rásimi Jenevada Chempıondar lıgasynyń toptyq kezeńinde jerebe tartý sheńberinde ótkizildi.
«Bavarııanyń» nemis qaqpashysy Manýel Noıer jáne aǵylshyndyq «Manchester Sıtıdiń» belgııalyq jartylaı qorǵaýshysy Kevın De Breıne Levandovskııdiń básekelesteri boldy.
Sondaı-aq Levandovskıı Chempıondar lıgasynyń eń úzdik shabýylshysy atandy.
Aıta ketsek, 2019/20 maýsymda Levandovskıı 47 matchta 55 gol salǵan, sonyń ishinde 15-i - Chempıondar lıgasynyń oıyndarynda.
«Bavarııamen» birge ol Germanııa týrnıriniń, sondaı-aq chempıonaty men kýbogynyń jeńimpazy atandy.
Levandovskıı barlyq týrnırlerde eń úzdik shabýylshy bolǵan.
